Os galegos BellónMaceiras Quinteto o sábado 19 no Festival de
Ortigueira
Entre as sopresas do
concerto contarán coa colaboración especial da zanfonista de 9 anos María López
Carballo
Os
prestixiosos músicos Daniel Bellón e Diego Maceiras,
coa formación BellónMaceiras Quinteto, subirán este sábado ao
escenario Alameda ás 22:00. A gaita e o acordeón, xunto co
contrabaixo, guitarra, batería e saxofón, ofrecen unha viaxe musical a través
de diversos estilos e ritmos de composición propia. Juan Tinaquero, Juan
Cabe e Colás Lage, completan a formación do quinteto.
Neste
concerto do 30 aniversario do Festival de Ortigueira contarán coa colaboración
dunha invitada moi especial, María López Carballo,
zanfonista naronesa de 9 anos. María recibe na actualidade clases de
zanfona de Germán Díaz, clases de gaita de Daniel Bellón na Escola
BellónMaceiras e de Cristian Silva no Conservatorio Xan Viaño de Ferrol (2º
grado elemental de gaita) onde tamén é membro do Peque Coro. Foi seleccionada
por Carlos Nuñez en decembro de 2012 para participar nun concerto de novos
músicos no Auditorio Mar de Vigo.
Daniel
Bellón (gaiteiro máis laureado da historia de Galicia, avalado por
máis de 40 premios no seu haber) e Diego Maceiras (compositor
salientable e un dos acordeonistas máis prestixioso do panorama galego) crean
no ano 2005 o dúo BellónMaceiras coa finalidade de profundizar
nunha formación pouco desenrolada no eido musical, con dous instrumentos tan
representativos na nosa cultura como son a gaita e o acordeón.
Os dous integrantes son músicos
de recoñecido prestixio no panorama musical galego cunha larga experiencia como
integrantes de grupos de renome ademáis dunha traxectoria consolidada como
concertistas en solitario. En setembro de 2010 fundan a Escola de
Música BellónMaceiras coa finalidade de achegar a música tanto a nenos
coma adultos dende a visión de músicos profesionais e en activo, requisito
imprescindible para ser mestre na escola.
No 2006, BellónMaceiras,
coa colaboración de Álex Blanco, son un dos finalistas para participar
no Escenario Runas 2006 do Festival de Ortigueira. Despois dunha excelente
actuación rematan sendo o grupo máis votado co que gañan a participación no
escenario principal do Festival de Ortigueira 2007 .
O quinteto
BellónMaceiras nace no ano 2007 como unha evolución natural de
BellónMaceiras Dúo. Esta nova formación achéganos a unha fusión entre novo folk
e músicas do mundo, en que a improvisación ten un papel importante. A gaita e o
acordeón, xunto co contrabaixo, guitarra, batería e saxofón ofrecen unha viaxe
musical na que diversos estilos e ritmos de amálgama se complementan cunha
ampla variedade de composicións propias. Juan Tinaquero (músico
en grupos de todo tipo: Miki Nervio & The Bluesmakers, Camerata Piu
Bella); Juan Cabe (guitarrista de "Os Cempés",
"Tigres del Cañotas", banjo de Mr.Dixie Jazz Band) e Colás
Lage (compaxina o labor de músico independente en formacións e
solistas de primeira línea: Whitesnake, The Offspring, Toy
Dolls, The Deloreans, Blaze Bayley coa docencia na Escola
BellónMaceiras) completan a formación do quinteto BellónMaceiras.
Tanto o dúo como o quinteto
ofreceron concertos en sitios como Lorient, Cornouaille, Bruxelas, Xenebra,
Colfiorito (Italia), Viana do Castelo, Hannover, Cuxhaven, Lausanne, Newark,
Moscow, Varsovia, Argentina, así como nos escenarios de máis prestixio de toda
Galicia.
