Les enviamos el proyecto que tiene la Asociación de inmigrantes y retornados Rioplatenses (Argentina) en común con el Museo provincial de Lugo.
Hay muchas actividades , pero hay una en la q a lo mejor pueden participar .
Buscamos mujeres gallegas de la provincia de Lugo o sus descendientes que hayan
emigrado a Argentina y que quieran contar su historia para un documental que se
llamará Mujeres de aqui y de alla.
Muchas gracias,
Un saludo
Ana María Bereciartúa.
Contacto: rioplatensesdelugo@hotmail.com
Coa mirada posta
en Arxentina, e seguindo as liñas da Museoloxía social e do diálogo intercultural,
a Área de Cultura e Turismo da Deputación de Lugo, Vicepresidencia primeira, a
través da Rede Museística Provincial, e en colaboración coa Asociación
Rioplatenses de Lugo e Tango Club Galicia, presentan o programa Culturas en
diálogo: Lugo-Arxentina.
A elección de
Arxentina ven marcada por ser un dos principais países de acollida dos homes e
mulleres emigrantes galegos. E tamén porque gardou e propiciou a nosa cultura
durante o exilio de intelectuais e artistas galegos como Maruja Mallo,
Castelao, Luis Seoane, Lorenzo Varela, Rafael Dieste, Núñez Búa, Otero
Espasandín, Laxeiro, entre outros. Foi tamén terra fértil para a creación dun
tecido organizativo e creativo baseada no compromiso, a solidariedade e o valor
da orixe. Produto diso son os centos de asociacións de emigrantes, así como as editoriais,
xornais, revistas, programas de radio e un variado abano de iniciativas
culturais que durante anos foron o garante na defensa e promoción da nosa
identidade cultural galega.
Igualmente, xa
que o Consulado de Arxentina tivera sede en Lugo ata 1952, queremos coñecer o
colectivo de arxentinos que viven en Lugo aos que, como parte da nosa
sociedade, queremos dar voz para fomentar un intercambio de culturas e
visibilizar outras realidades que forman parte da nosa comunidade.
A muller
emigrante terá un papel sobresaínte nesta programación, especialmente na proposta
Mulleres de Aquí e Dacoláque reúne as coordenadas do programa: Muller/Emigración/Galiza/Arxentina.
E de fondo o
Tango, declarado Patrimonio cultural inmaterial da Humanidade pola UNESCO en
2009, que consegue falarnos, con beleza e emoción, de xénero e de emigración. E
para iso contamos cun evento único en Galicia o V Encontro de Internacional
Tango Líber.
O programa ten un
carácter internacional e aberto, polo que todas as actividades terán un acceso
web utilizando activamente as redes sociais como medio de participación e
nalgúns casos poderán seguirse os eventos en streaming.
Queremos
transmitir o noso máis sincero agradecemento a todas aquelas persoas e
entidades que contribuíron desinteresadamente á realización deste programa.
