Outra das incorporacións para o Festival de
Ortigueira de este ano é a do Quinteto dos prestixiosos músicos Daniel Bellón e Diego maceiras, coa
formación BellónMaceiras Quinteto, creado no 2007.
A gaita e o acordeón, xunto co o contrabaixo,
guitarra, batería e saxofón, ofrecen unha viaxe musical a través de diversos
estilos e ritmos de composición propia. Juan Tinaquero, Juan Cabe e Miguel lamas, completan a
formación do Quinteto BellónMaceiras.
No 2006, BellónMaceiras dúo,
coa colaboración de Álex Blanco, son un dos finalistas para
participar no Escenario Runas 2006 do Festival de Ortigueira. Despois dunha
excelente actuación rematan sendo o grupo máis votado co que gañan a
participación no escenario principal do Festival de Ortigueira
2007 .
Actuaron en Lorient, Cornualles, Bruselas,
Ginebra, Colfiorito (Italia), Viana do Castelo, Hannover, Cuxhaven, Lausanne,
Newark, Moscow, Varsovia, Argentina, así como nos escenarios mais prestixiosos
de toda Galicia.
Co quinteto solo lles faltaba Ortigueira, á
que chegan este ano, cheos de enerxía e rodeados de músicos e bandas de
primeiro nivel.
